Honderde mense het reeds op verskeie plekke regoor die land met protesoptogte teen president Jacob Zuma begin.
Talle mense is op Kerkplein in Pretoria byeen vir ‘n optog van Save South Africa na die Uniegebou.
Pretoria se hooflanddros het gisteraand ‘n dringende interdik deur die veldtog om die optog wettig te verklaar, toegestaan.
In Port Elizabeth is twee massa-saamtrekke deur die stadsraad goedgekeur.
Die SAKP het intussen laat gisteraand besluit om vandag se optog na die nasionale tesourie in Pretoria uit te stel.
Die SAKP se sekretaris in Gauteng, Jacob Mamabolo, sê die besluit is geneem nadat die waarnemende polisiekommissaris, luitenant-generaal Khomotso Phahlane, gesê het vandag se betogings in Pretoria is onwettig.
Hy sê die SAKP beoog om binne die volgende twee weke ’n plakkaatbetoging by die tesourie te hou.
Verskeie Nyala-polisievoertuie met vragte doringdraad het ook vroegoggend by die Uniegebou in Pretoria aangekom.
Lede van die veteranevereniging van Umkhonto weSizwe en die ANC-jeugliga het by Luthuli-huis in Johannesburg byeengekom om die ANC se hoofkwartier te beskerm.
The post Verskeie protesoptogte teen Zuma appeared first on Radio Rosestad 100.6FM.