Inwoners van die Mangaung-metro moet kommentaar lewer op die metro se
konsepbegroting, wat ‘n verhoging in tariewe vir munisipale dienste van tussen 6,25% en 11% behels.
Netwerk24 berig die konsepbegroting is saam met die geïntegreerde ontwikkelingsplanne vir die boekjaar 2017-’18 op ’n spesiale
raadsvergadering ter tafel gelê.
Daarvolgens word voorgestel dat erfbelasting met 6,25% styg, water met 11%, sanitasie met 6,25%, vullisverwydering met 8,5% en elektrisiteit met 7,68%.
Dié openbare dokumente moet nou met die inwoners van die metro bespreek word en gesprekke vir kommentaar moet met hulle gevoer word.
Dit moet teen einde Mei in die metroraad goedgekeur moet word.
Die nuwe verhoogde tariewe sal op 1 Julie in werking tree.
The post Verhoging in tariewe vir metro appeared first on Radio Rosestad 100.6FM.