Save South Africa beplan Vrydag ’n optog teen pres. Jacob Zuma na die
Uniegebou in Pretoria.
Soortgelyke protesoptrede word ook in Kaapstad en Durban beplan.
Die organisasie sê Zuma neem Suid-Afrika op die pad van verval en slegs die mag van die mense kan hom stop.
Save SA sê die president se roekelose optrede het tot die verlaging van Suid-Afrika se kredietgradering tot rommelstatus deur ’n kredietgraderingsagentskap gelei en sal enorme langtermyn-skade aan die Suid-Afrikaanse ekonomie aanrig.
Die DA het intussen die roete van sy betoging teen pres.Zuma Vrydag deur die strate van Johannesburg verander ná dreigemente van geweld deur die ANC.
Die party het beplan om na die ANC se hoofkwartier, Luthuli-huis, op te ruk maar die polisie het gesê hy kan nie die betogers se veiligheid waarborg nie.
Die DA sê die roete in die Goudstad is verander nadat verskeie dreigemente van geweld van die ANC-jeugliga en sekere takke van die ANC ontvang is.
The post Save SA beplan ook ‘n optog teen Zuma appeared first on Radio Rosestad 100.6FM.