Die DA het bevestig dat hy nie meer ‘n optog na die ANC-hoofkwartier in
Johannesburg gaan hou nie, maar eerder in die stad se sentrale sakegebied gaan betoog en daarna naby Luthulihuis gaan saamtrek om President Jacob Zuma se bedanking te eis.
Die DA-leier, Mmusi Maimane, sê hulle gaan in die lig van hul uitsprake teen Zuma se besluit om Pravin Gordhan af te dank, ook die ANC-leiers Cyril Ramaphosa, Gwede Mantashe en Zweli Mkhize nooi om aan die optog deel te neem.
Maimane sê die optog sal oor partygrense strek.
Die DA het vroeër ‘n mosie van wantroue teen Zuma ingedien, waarna ander opposisiepartye hul steun daaraan toegesê het.
Ander opposisiepartye reël ‘n betoging by die Uniegebou in Pretoria volgende Woensdag.
The post DA nooi ANC-leiers na optog appeared first on Radio Rosestad 100.6FM.