Die Kovsie-student wat Saterdagaand in Universitas, Bloemfontein, in ’n
huisbraak doodgeskiet is, is as die 18-jarige Sean Kroon, ’n eerstejaarstudent in ingenieurswese, geidentifiseer.
Netwerk24 berig daar word vermoed die aanvaller is dieselfde man wat die afgelope ses maande by ander diefstalle in dié woonbuurt betrokke was en ’n wapen op mense gerig en selfs ’n skoot afgevuur het.
Volgens Kroon se ma, Joanne, is in die tweede week van Februarie by dieselfde huis ingebreek en onder meer skootrekenaars is gebuit.
Kapt. Chaka Marope, ’n polisiewoordvoerder, sê niemand is nog in hegtenis geneem nie.
Klagte van moord en huisbraak word ondersoek.
The post Kovsie-student dood in huisbraak geidentifiseer appeared first on Radio Rosestad 100.6FM.