Die nuwe minister van Finansies, Malusi Gigaba, het bevestig dat hy ‘n dag ná
sy aanstelling begin het om met die kredietgraderingsagentskappe – Fitch en
Moody’s – in gesprek te tree.
Vrese bestaan dat Suid-Afrika afgegradeer kan word weens politieke onsekerheid ná President Jacob Zuma se omstrede kabinetskommeling.
Die graderingsagentskap, Moody’s, sal aanstaande week sy besluit bekend maak.
Gigaba sê hy sal binnekort met talle rolspelers vergader.
Dit sluit ‘n vergadering vroeg volgende week in met die voormalige minister van Finansies, Pravin Gordhan en sy adjunk, Mcebisi Jonas.
Intussen het die Thabo Mbeki Stigting hom ook by die koor aangesluit wat
pres. Zuma se kabinetskommeling vroeër die week skerp veroordeel het.
Die stigting sê dit is slegte nuus vir die ANC se kanse in komende verkiesings. Die Mbeki Stigting sê hy respekteer die President se reg om sy kabinet te herskommel, maar die afdanking van Gordhan en andere kom op ‘n tydstip van ernstige ekonomiese en politieke spanning in die land.
The post Gigaba vergader met kredietgraderingsagentskappe appeared first on Radio Rosestad 100.6FM.