Die Bankvereniging van Suid-Afrika sê die vervanging van Pravin Gordhan as
Minister van Finansies, sowel as sy adjunk, sal ‘n negatiewe uitwerking op die rand hê.
Die besturende direkteur van die vereniging, Cas Coovadia, sê dit maak nie sin dat ministers wat goeie werk doen, afgedank word nie, terwyl diegene wat onderpresteer, behou word.
Die Rand het met sowat 7% verswak en bankaandele op die Johannesburgse Aandelebeurs is weens die gebeure ‘n knou toegedien.
Die rand het gisteraand teen R13,43 teen die Amerikaanse dollar verhandel.
Ons Ekonomiese redaksie sê indien graderingsagentskappe die land sou afgradeer, gedeeltelik weens die jongste gebeure, sal dieselfde met die banke gebeur.
The post Gordhan afgedank: Die rand met 7% verswak appeared first on Radio Rosestad 100.6FM.