Mohammed Anas, doelskopper van die sokkerspan Free State Stars, het
Vrydagaand met ‘n rooi gesig en sekerlik ook huismoles gesit toe hy ’n flater
begaan en in ’n TV-onderhoud sy vrou én sy meisie bedank het.
Netwerk24 berig Anas, wat as speler van die wedstryd aangewys nadat hy twee doele in Free State Stars se kragmeting teen Ajax Cape Town aangeteken het, het onmiddellik probeer vure doodslaan toe hy sy blaps agtergekom het.
Die 22-jarige speler het skaapagtig en stotterend die onderhoud beëindig deur dankie te sê vir die ondersteuning en dat daar meer prestasies gaan kom.
Dit het op Twitter en Facebook behoorlik gegons oor sy penarie.
The post KYK: Sokkerspeler bedank vrou en meisie na wedstryd appeared first on Radio Rosestad 100.6FM.