Die Mangaung-metro skuld glo tans ’n enorme R350 miljoen aan
Bloemwater, die afdeling van die departement van waterwese en sanitasie wat
Mangaung bedien, waarvan hy maandeliks water aankoop.
Netwerk24 berig die inligting is deur betroubare bronne uitgelek en sluit glo die laaste rekening en ’n ou dispuutbedrag van sowat R80 miljoen in.
Dr. Tseliso Ntili, Vrystaatse hoof van die departement van waterwese en sanitasie, sê die bedrag is ’n saak tussen die metro en Bloemwater.
Volgens Ntili kan hy wel bevestig dat vergaderings tussen die betrokke partye gehou is om die probleme met die rekening en tariewe te probeer oplos.
Navrae is na die uitvoerende burgemeester, Olly Mlamleli, verwys, maar sy het nie daarop gereageer nie.
The post Mangaung-metro skuld R350 mil. aan Bloemwater appeared first on Radio Rosestad 100.6FM.