Die 22 onwettige goud-delwers wat as ‘n bende ‘n skrikbewind gevoer het
deur onder meer rampokkery, is altesaam 1 905 jaar tronkstraf opgelê.
Netwerk24 berig die 22 beskuldigdes is skuldig bevind op klagte wat gewissel het van rampokkery, oortredings van die Wet op Edelmetale, die Wet op Immigrasie, diefstal, geldwassery en georganiseerde misdaad.
Ernie van Rensburg, ’n veiligheidsbeampte van Protea Coin Security, het vroeër vier dae lank ter strafverswaring getuig.
Nog ‘n werknemer, Niekie Oosthuizen, die staat se hoofgetuie, is geloof vir sy briljante en geloofwaardige getuienis nadat hy ‘n ongelooflike sewe weke lank getuig het in die saak.
The post 22 zama-zama’s kry saam 1 905 jaar tronkstraf appeared first on Radio Rosestad 100.6FM.