Aan die vooraand van ‘n debat oor plaasmoorde in die parlement is nog ‘n
boer op sy plaas in die Oos-Vrystaat aangeval en in die arm en been geskiet.
Netwerk24 berig Nicky Haddad van die plaas Howie op Clocolan is ingewag toe hy van die dorp af teruggekeer het.
Dit is die soveelste aanval op ‘n boer die afgelope ruk en kom dae voordat daar die eerste keer sedert 1994 in die parlement oor plaasmoorde gedebatteer sal word.
Volgens Tommie Esterhuyze, voorsitter van Vrystaat Landbou, is Haddag in die hospitaal opgeneem, maar sy toestand is gelukkig nie kritiek nie.
Parlementslede sal more oor die plaasmoorde en die effek daarvan op Suid-Afrikaners debat voer.
The post Boer op plaas ingewag, geskiet appeared first on Radio Rosestad 100.6FM.