Die DA sê die feit dat nog ’n tydelike munisipale bestuurder ná 15 maande vir
die Mangaung-metro in Bloemfontein aangestel is, is ’n verleentheid en skande vir die metro.
Netwerk24 berig volgens DA-koukusleier, Hardie Viviers, dui die feit dat die stadsbestuurderspos en ander departementshoofposte nie permanent gevul word nie, daarop dat besluite nie deur die bestuurders en hoofde geneem word nie.
Die speaker, Mxolisi Siyonzana, het navrae na die uitvoerende burgemeester, Olly Mlamleli, verwys, wat nie bereik kon word nie.
Rossouw Botes, DA-raadslid, sê hy weet nie hoe die munisipaliteit dit regkry om wetgewing te omseil nie, want art. 54 (A) van die Stelselwet maak slegs voorsiening dat ’n waarnemende stadsbestuurder vir ’n tydperk van drie maande en ‘n maksimum van ses maande aangestel word.
Dit is dus onverklaarbaar hoe adv. Tankiso Mea 15 maande lank as stadsbestuurder kon waarneem.
The post “Dis ‘n skande vir die metro” appeared first on Radio Rosestad 100.6FM.