Die Lughawensmaatskappy van Suid-Afrika (Acsa) en lugdienste probeer om passasiers te help wat deur ‘n betoging deur sowat 200 metertaxi-bestuurders aan die Oos-Rand geraak word.
Baie passasiers kon weens die betoging op die R24 en R21 nie by die O.R. Tambo-lughawe by Kemptonpark uitkom nie.
Die lughawebestuur het passasiers aangeraai om gebruik te maak van die Gautrein sodat hulle nie laat vir vlugte is nie.
’n Woordvoerder van die Ekurhuleni-metropolisiediens, Kobeli Mokheseng, sê dit is onduidelik hoe lank die metertaxi-bestuurders van plan is om dié hoofweë te versper.
Hy sê die metropolisie het begin om voertuie wat wat die hoofweë versper, te skut.
16 metertaxi’s is reeds geskut.
The post 200 metertaxi-bestuurders betoog appeared first on Radio Rosestad 100.6FM.