Die leier van die United Democratic Movement, Bantu Holomisa, het gevra dat die Openbare Beskermer se ondersoek na die Gupta-familie afgehandel moet word voor die familie hul aandele in die land verkoop.
Die Guptas het die naweek bekend gemaak dat hulle teen die einde van die jaar die aandele in al hul Suid-Afrikaanse ondernemings gaan verkoop, omdat dit volgens hulle in die beste belang van die werknemers en die land sal wees.
Die DA sê intussen dit is oneerlik van die Gupta-familie om aan te voer hul besluit is in die beste belang van die land, en hulle is soos rotte wat ‘n sinkende skip verlaat.
DA-woordvoerder David Maynier sê die Guptas is onder meer vir beweerde korrupsie en geldwassery ondersoek en dinge het klaarblyklik vir hulle ‘n keerpunt bereik.
Hy sê die ondersoeke sal nie weggaan nie en die DA sal verseker dat dit afgehandel en die uitslae bekend gemaak word.
The post GUPTAS BEPLAN OM HUL AANDELE IN SA TE VERKOOP appeared first on Radio Rosestad 100.6FM.