’n Ma van Theunissen in die Vrystaat is erg ontsteld nadat haar 15-jarige
dogter gister enkele dae voor die toetsweek vir twee weke uit die skool geskors.
Netwerk24 berig die dogter, ’n gr. 10-leerling, het in trane by die huis gekom
nadat sy glo voor die klas deur die skoolhoof, Edwin Williamson, uitgetrap is.
Williamson voer aan die skool het binne die wetlike raamwerk opgetree.
Hy sê die skorsing is ’n voorkomingsmaatreël in aanloop tot die tugverhoor.
Die meisie het glo SMS-boodskappe aangestuur waarin ander leerlinge in verhoudings bespreek word en word aangekla dat sy erg ontwrigtende gedrag en geen respek of ontsag vir onderwysers toon nie.
Die ma hou egter vol dit is ’n persoonlike vendetta teen haar dogter en dat sy oor die algemeen goed gemanierd is.
The post Ma ontsteld oor dogter wat uit die skool geskors is appeared first on Radio Rosestad 100.6FM.