Suid-Afrika het vir eers afgesien van sy planne om aan die Internasionale Strafhof te onttrek maar sal later voortgaan met dié proses.
Suid-Afrika het in ‘n brief aan die kantoor van die sekretaris-generaal van die Verenigde Nasies gesê die land trek sy pogings terug om aan die Statuut van Rome te ontrek.
Michael Masutha, minister van justisie, het ná die uitspraak verlede maand gesê die hofuitspraak sal nie die regering van stryk bring nie, maar net die proses vertraag.
Die hof het beslis die uitvoerende gesag moet die parlement eers raadpleeg voordat hy kan voortgaan met die onttrekking.
Masutha sal na verwagting vandag die parlement se komitee oor internasionale betrekkinge inlig oor die hooggeregshof se beslissing, wat die regering se besluit om hom te onttrek, ongeldig verklaar het.
The post Strafhof: SA trek pogings terug vir nou appeared first on Radio Rosestad 100.6FM.