Die Vryheidsfront Plus sê die provinsiale begroting deur die LUR vir Finansies, Elsabé Rockman, maak steeds voorsiening vir onnodige luukshede.
Die VF Plus se Vrystaatse wetgewerlid, Wouter Wessels, sê gegewe die huidige ekonomiese krisis waarin die Vrystaat en Suid-Afrika verkeer, het die LUR vir Finansies in die Vrystaat Elzabe Rockman min tot geen beweegruimte gehad om werklik ‘n provinsiale begroting ter tafel te lê wat die tekortkominge effektief sal aanspreek nie.
Wessels sê die regering het geen oplossing vir die buitensporige en onvolhoubare toename in die salarisrekening van die provinsiale regering nie.
Die salarisrekening sal met 8.3% in die komende finansiële jaar toeneem, teenoor die 4.1% toename in die huidige finansiële jaar.
Hy sê die billike aandeel wat aan die provinsie toegedeel word vir die komende finansiële jaar het met minder toegeneem as vorige jare en plaas die provinsie dus reeds in ‘n agterstand.
The post “Begroting maak voorsiening vir onnodige luukshede” appeared first on Radio Rosestad 100.6FM.