’n Predikant van die NG Kerk in Afrika wat aangekla word dat hy R1,7 miljoen
van die kerk gesteel het, oorweeg dit om met die staat te onderhandel oor die moontlikheid van ’n pleit-en-vonnis-ooreenkoms.
Ds. Jannie Bezuidenhout. Foto: Netwerk24
Ds. Jannie Bezuidenhout se regsverteenwoordiger, Johan Kramer, het gister in die streekhof in Bloemfontein beklemtoon sy kliënt kan nie nou die kerk terugbetaal nie, maar dat hy besig is om eiendom te verkoop en dat van sy familie probeer ook help om die geld daarvoor te bekom.
Sy verhoor is tot volgende maand uitgestel vir moontlike onderhandelings tussen Kramer en die staat.
Bezuidenhout was die finansiële beampte van die kerk en staan op meer as 700 aanklagte van diefstal tereg.
The post Predikant van diefstal aangekla appeared first on Radio Rosestad 100.6FM.