Die gewese tesourier-generaal van die ANC, Mathews Phosa, het ‘n beroep op pres. Jacob Zuma gedoen om te bedank as leier van die regerende party.
Phosa vra ook dat die party se hele nasionale uitvoerende komitee moet bedank en deur ’n tydelike komitee vervang word.
Netwerk24 berig volgens Phosa het die afgelope munisipale verkiesing getoon dat steun vir die ANC drasties gedaal het en is dit in belang van die land en ANC dat Zuma nie langer as leier aanbly nie.
Phosa het voorts gesê die tyd is ryp vir adj.pres. Cyril Ramaphosa om sy stem te laat hoor anders gaan die geskiedenis hom uitsluit.
Die ANC het drie metrorade, Johannesburg, Tshwane en Nelson Mandelabaai in Port Elizabeth, aan die DA prysgegee.
The post “ZUMA MOET BEDANK” – MATHEWS PHOSA appeared first on Radio Rosestad 100.6FM.