Die vrou van Bloemfontein wat effektiewelik tot 12 jaar gevangenisstraf gevonnis is omdat sy onder meer minderjariges verkrag het, sal nie appèl kan aanteken nie.
Netwerk24 berig Streeklanddros Jan Greyvenstein het Zelda Dreyer van Westdene in die stad aangeraai om vrede te maak met haar lot en haar vonnis uit te dien.
Dreyer is gevonnis ná haar en haar verloofde se dade met twee minderjarige niggies.
Haar verloofde, Johan Kleinhans, is onlangs ook in die Bloemfonteinse streekhof twee lewenslange vonnisse opgelê weens die verkragting van die meisies.
Die paar het die misdade met die twee niggies tussen 2007 en 2012 gepleeg toe die meisies 8 en 13 jaar oud was.
The post Kinderverkragting: Dreyer mag nie appelleer appeared first on Radio Rosestad 100.6FM.