Die rand het gisteraand binne ’n halfuur dramaties verswak toe dit rugbaar geword het dat die Valke die minister van finansies, Pravin Gordhan, opdrag gegee het om homself Donderdag by die ondersoekeenheid aan te meld.
Die val in die rand is baie slegte nuus vir verbruikers, wat duurder produkte, ook brandstof, en hoër rentekoerse kan verwag as dit lank voortduur.
Gordhan en ander is deur die Valke ondersoek vir beweerde onregmatighede wat gepleeg is toe hy destys die kommissaris van die Suid-Afrikaanse Inkomstediens was.
Die vorige keer toe die rand so vinnig en so ver verswak het, was op 9 Desember, toe pres. Jacob Zuma vir Nhlanhla Nene as minister van finansies afgedank het en hom met die haas onbekende LP Des van Rooyen vervang het.
The post RAND VERSWAK DRAMATIES appeared first on Radio Rosestad 100.6FM.