Die Vrystaatse polisie het meer as R500 000 se gesteelde vee
teruggevind en vier lede van ’n vermeende veediefstalsindikaat in die Oos-Vrystaat in hegtenis geneem.
‘n Polisiewoordvoerder, Zweli Mohobeleli, sê die veediefstaleenheid in Fouriesburg het leidrade opgevolg wat hulle na plase in die Bethlehem- en Kestell-distrikte gelei het.
43 koeie en 40 kalwers is aan hul eienaars terugbesorg.
Die diere is almal tussen Julie 2016 en Januarie vanjaar gesteel.
Die vier verdagtes verskyn vandag in die landdroshof op Bethlehem.
The post Gesteelde vee in VS teruggevind appeared first on Radio Rosestad 100.6FM.