Die nasionale polisiewoordvoerder, Sally de Beer, het bevestig dat die
waarnemende nasionale polisiekommissaris, Khomotso Phahlane, aansoek gedoen het vir ‘n hofbevel om te verhoed dat die onafhanklike polisie-ondersoekdirektoraat saam met die private ondersoeker Paul O’Sullivan werk.
Phahlane vra ook dat ‘n lasbrief vir die deursoeking van sy huis in Desember hersien en ter syde gestel word.
OPOD is besig met ‘n ondersoek om te bepaal hoe Phahlane ‘n luukse huis en ‘n aantal voertuie gekoop en befonds het.
Phahlane ontken bewerings van korrupsie en regsverydeling.
De Beer sê Phahlane het interdik-dokumente by die hooggeregshof in Pretoria ingedien. Die aansoek sal na verwagting aanstaande week aangehoor word.
The post Phahlane doen aansoek vir hofbevel appeared first on Radio Rosestad 100.6FM.