Die ANC wil nie bewerings bespreek van ‘n koverte projek wat daarop gemik
was om opposisiepartye te ondermyn in die aanloop tot verlede jaar se munisipale verkiesing nie.
Die party se sekretaris-generaal, Gwede Mantashe het by ‘n mediakonferensie in Johannesburg net gesê die kwessie word bespreek.
Die party het die naweek ontken dat die planne om opposisiepartye in ‘n swak lig uit te beeld en vals inligting te versprei, die goedkeuring van partyleiers weggedra het.
Mantashe het gevra dat die party die geleentheid moet kry om die bewerings oor die sogenaamde oorlogskamer te ondersoek teen die hoofbestuurder van Luthuli Huis, Ignatius Jacobs, wat die naweek aan die lig gekom het.
The post PROJEK OM PARTYE TE ONDERMYN: “KWESSIE WORD BESPREEK” appeared first on Radio Rosestad 100.6FM.