Die minister van kommunikasie, Faith Muthambi, sowel as die SAUK-raad en Hlaudi Motsoeneng, bedryfshoof van die SAUK, moet vanoggend in ’n parlementêre komiteevergadering aan die portefeuljekomitee oor kommunikasie verantwoording doen.
Benewens die skandale by die Openbare Uitsaaier met Motsoeneng aan die stuur, wil die DA ook weet oor ‘n sogenaamde bonus wat laasgenoemde glo gaan kry vir ‘n omstrede ooreenkoms wat hy drie jaar gelede met MultiChoice aangegaan het.
DA-LP en woordvoerder oor kommunikasie, Phumzile van Damme, het beklemtoon Motosoeneng se bonus is een van hul kwelpunte.
Muthambi is in die spervuur omdat haar inmenging wat tot die afdanking van SAUK-raadslede verlede jaar gelei het, onwettig was.
Die komitee het destyds ‘n regsmening oor haar inmenging aanvaar, maar nadat Muthambi ’n mening tot die teendeel aan die komitee voorgelê het, het die ANC-LP’s in die komitee ontken dat hulle ooit die oorspronklike mening aanvaar het.
The post VERGADERING OOR SKANDALE BY SAUK appeared first on Radio Rosestad 100.6FM.