Die DA-LP en -woordvoerder oor gesondheid, dr. Wilmot James, eis rekenskap van die betrokkenes wat aan die stuur staan van die staats-siekefonds Gems.
James het gereageer op berigte dat die siekefonds teen die einde van die huidige boekjaar moontlik bankrot kan wees as drastiese kostebesparingsmaatreëls nie ingestel word nie.
Die gevolg is Gems sal dalk ’n reddingsboei van die nasionale tesourie benodig of met ’n ander skema moet saamsmelt, wat aansienlike veranderings in voordele vir sy lede meebring.
James het Mary-Ann Dunjwa, voorsitter van die parlementêre portefeuljekomitee oor gesondheid, genader om Daniel Lehutjo, waarnemende uitvoerende hoof en registrateur van die Raad op Mediese Skemas, te versoek om voor die komitee te verskyn.
Laasgenoemde moet verduidelik waarom die raad toegelaat het dat Gems se reserwes gedaal het tot onder die 25%-vlak wat statutêr vereis word.
Gems se reserwes is na bewering by 5%.
The post STAATS-SIEKEFONDS AMPER BANKROT appeared first on Radio Rosestad 100.6FM.