Owerhede in Afghanistan sê die dodetal na twee ontploffings naby die
parlementsgebou in die hoofstad Kaboel, het tot minstens 30 gestyg.
Meer as 80 mense is in die ontploffings beseer.
Volgens ooggetuies was die eerste ontploffing ‘n selfmoord-bomaanvaller, terwyl die tweede ontploffing ‘n motorbom was.
Die Afghaanse Taliban het kort na die ontploffings aanspreeklikheid vir die aanval aanvaar.
Dit volg slegs ‘n paar uur nadat sewe mense dood is in ‘n selfmoord-bomaanval deur die Taliban in Lashkar Gah, die hoofstad van die Helmand-provinsie.
The post KABOEL: 30 DOOD WEENS 2 ONTPLOFFINGS appeared first on Radio Rosestad 100.6FM.