Studente aan universiteite sal volgende jaar weer geen verhoging in klasgeld kry nie ondanks die feit dat dit die ondergang van Suid-Afrikaanse universiteite kan lei.
Pres. Jacob Zuma het opdrag gegee dat studente wéér volgende jaar hulle sin moet kry met geen verhoging in studiegeld nie.
Netwerk24 berig Zuma het verlede Sondag vir dr. Blade Nzimande, minister van hoër onderwys, en Pravin Gordhan, minister van finansies, opdrag gegee om ’n manier te vind om vir die tweede agtereenvolgende jaar ’n 0%-verhoging in klasgeld te verseker.
Dít terwyl die tesourie slegs enkele dae tevore aan die Heher-kommissie van ondersoek oor klasgeld gesê het so ’n stap is eenvoudig onbekostigbaar.
Universiteitshoofde waarsku ook al geruime tyd dat hulle aan die einde van die jaar klasgeld sal móét verhoog as hulle enigsins lewensvatbaar wil bly en Zuma se opdrag kan haas die doodskoot vir menige van hulle wees.
The post GEEN VERHOGING IN KLASGELD VOLGENDE JAAR appeared first on Radio Rosestad 100.6FM.