Suid-Afrika het sy tweede goue medalje op die Olimpiese Spele verower met Caster Semenya wat vroeg vanoggend Suid-Afrikaanse tyd as die nuwe Olimpiese kampioen in die 800 meter vir vroue gekroon is.
Sy het die wedloop in ’n nuwe Suid-Afrikaanse rekordtyd van een minuut 55,29 sekondes gewen.
Die 25-jarige Suid-Afrikaner was meer as ‘n sekonde vinniger as die silwermedalje-wenner, Burundi se Francine Niyonsaba.
Die wereldrekord-houer in die 400 meter vir mans, Wayde van Niekerk, het Suid-Afrika se eerste goue medalje verlede week in Rio de Janeiro verower.
The post CASTER KRY GOUD VIR SA appeared first on Radio Rosestad 100.6FM.