Die eerste raadsvergadering van die Mangaung-metro ná die onlangse plaaslike verkiesing met sy nuutverkose 100 raadslede is sowat drie uur vertraag omdat die regte prosedures nie gevolg is toe die uitvoerende burgemeester, Olly Mlamleli, en die speaker, Mxolisi Siyonzana, gekies is nie.
Daar is nie van geslote stembriewe gebruik gemaak soos vereis nie, ‘n fout wat eers reggestel is nadat eers Mlamleli en daarna Siyonzana hul aanvaardingstoesprake gelewer het.
DA-raadslid Dulandi Leech het verwys na die vereistes van die Strukturewet, waarin geslote stembriewe vereis word.
Siyonzana het die speakerstoel ontruim en daar is oorgestem met die hulp van die Onafhanklike Verkiesings kommissie.
Siyonzana het 58 stemme vir die amp van speaker gekry en David Masoeu, DA-kandidaat en DA-koukusvoorsitter, 35.
Mlamleli het 60 stemme gekry vir die amp van burgemeester en Hardie Viviers, DA-koukusleier, 36.
The post MANGAUNG: EERSTE RAADSVERGADERING VIR 3 UUR VERTRAAG appeared first on Radio Rosestad 100.6FM.