Die leier van die EFF, Julius Malema, se motorbestuurder wat Maandag op
pad na Bloemfontein voorgekeer is omdat hy na bewering teen 187 km/h gejaag het, is nie in hegtenis geneem of aangekla nie.
Netwerk24 berig daar heers groot verwarring oor die voorval nadat vroeër berig is dat hy wel in hegtenis geneem is.
Volgens kol. Thandi Mbambo, provinsiale polisiewoordvoerder, is die bestuurder nie in hegtenis geneem nie en daarom nie aangekla nie.
Sake van regsverydeling en die oorskryding van die spoedgrens word glo wel ondersoek, maar dit is onbekend teen wie.
George Ramotsoto, waarnemende direkteur van verkeersbestuur in die Vrystaat, het ook net gesê die man is na die Parys-polisiekantoor geneem en dieselfde dag vrygelaat.
Daar kon nie verklaar word waarom die onbekende motorbestuurder nie in hegtenis geneem en aangekla is nie.
The post MALEMA SE BESTUURDER NIE GEARRESTEER NIE appeared first on Radio Rosestad 100.6FM.