Die man wat na bewering sy bejaarde werkgewer vermoor het, se borgtogaansoek is in die landdroshof in die stad van die hand gewys omdat hy moontlik staatsgetuies kan intimideer.
Die 23-jarige Kgotso Patrick Gigi, van Fase 5, Mangaung, word aangekla van die moord op die 73-jarige Hendrik Knoetze van Pellissier in die stad.
Hy is op 18 Julie vanjaar in sy huis met ’n voorwerp doodgeslaan.
Landdros T.P. Dikotsi het in die uitspraak gesê dit is nie in die belang van geregtigheid om Gigi op borgtog vry te laat nie omdat hy moontlik staatsgetuies kan intimideer.
Sy verhoor is tot volgende maand uitgestel.
The post BFN-VROU VERMOOR: JONG MAN KRY NIE BORGTOG appeared first on Radio Rosestad 100.6FM.