Die Tafelberg Nasionale Park sê ‘n verdagte is in hegtenis geneem in verband met twee gewapende rooftogte in Kampsbaai naby Kaapstad.
‘n Woordvoerder van SANParke, Tarcia Hendricks, sê ‘n bewaarder vir besoekersveiligheid en ‘n polisiebeampte wat die voorvalle op Vlaeberg ondersoek het, het die verdagte aangekeer.
In die eerste voorval aan die einde van Oktober is ‘n man van sy selfoon en geld beroof.
‘n Paar dae later is ‘n Duitse toeris beroof.
Die verdagte was in besit van twee selfone en ‘n mes wat vermoedelik aan die slagoffers behoort.
The post GEWAPENDE ROOFTOGTE: VERDAGTE GEARRESTEER appeared first on Radio Rosestad 100.6FM.