Vier verdagtes sal na verwagting vanoggend in die New Brighton-landdroshof
in Port Elizabeth verskyn op aanklagte dat hul die Wet op Vervalste Geld oortree het.
Die polisie se kaptein André Beetge sê die verdagtes is aangekeer nadat meer as R13 000 se vervalste note, vier selfone en ’n masjien waarmee
bankkaarte gekloon word in hul motor gevind is.
In ‘n opvolg-ondersoek is daar in ‘n huis in KwaDwesi ook beslag gelê op ’n rekenaar en drukkertoerusting, asook papiere waarop vals note reeds gedruk is.
The post 4 IN HOF OOR VERVALSTE GELD appeared first on Radio Rosestad 100.6FM.