Altesaam 113 kinders is tussen April verlede jaar en Maart vanjaar in Gauteng weens wanvoeding dood.
Volgens die DA het die provinsie se LUR van gesondheid, Qedani Mahlangu die syfer Vrydag tydens ‘n gesondheidskomiteevergadering van die wetgewer bekendgemaak.
Die DA se skaduminister van gesondheid, Jack Bloom, sê 3 040 nuwe gevalle van ernstige wanvoeding is aangemeld, waarvan slegs 1 512 mense mediese behandeling ontvang het.
Bloom sê dit is onaanvaarbaar dat kinders in ‘n stedelike provinsie soos Gauteng nog weens honger sterf.
The post GAUTENG: KINDERS STERF WEENS WANVOEDING appeared first on Radio Rosestad 100.6FM.