Die Suid-Afrikaanse Weerdiens het gewaarsku dat die hittegolftoestande van die afgelope tyd tot ten minste môre in vyf van die provinsies in die land sal voortduur.
Die provinsies wat geraak word, is Mpumalanga, Limpopo, Gauteng, Noordwes en die Vrystaat.
Op Lephalale/Ellisras in Limpopo sal die kwik na verwagting vandag tot 41 grade Celsius styg, in Musina tot 39, Rustenburg 38 en in Pretoria tot 37 grade.
In die Vrystaat is Bloemfontein en Welkom vandag die warmste met 34 grade.
Intussen het die departement van Water en Sanitasie ook gewaarsku dat die land se damvlakke steeds drasties daal.
Woordvoerder Sputnik Ratau sê die nasionale watervoorraad is al meer as 200 dae onder 50% en word steeds minder ondanks verlede week se goeie reën in sommige dele van die land.
The post HITTEGOLF SAL VOORTDUUR OOR 5 PROVINSIES appeared first on Radio Rosestad 100.6FM.