Die studenteraad van die Universiteit van die Vrystaat het laat blyk hy sal nie die akademiese bedrywighede ontwrig wat vandag weer op die Kovsie-kampus in die Rosestad begin nie.
Netwerk24 berig volgens ’n verklaring deur Lindokuhle Ntuli, SR-voorsitter, plaas die onlangse gebeure op kampus geweldig baie druk op die studente, wat eerder deur die regering ervaar moet word.
Volgens Ntuli is die stryd om gratis onderrig op die regering en die private sektor gerig en moet dit nie studente se deelname aan akademiese bedrywighede onder druk plaas nie.
UV-studente sal nie weer vanjaar klasse bywoon nie, maar wel aanlyn klasse volg om hulle vir die komende eksamens, wat op 24 November begin, voor te berei.
Studente wat nie internettoegang het nie, kan steeds na die kampus kom om dit te volg.
The post KOVSIES: STUDENTERAAD SAL NIE KLASSE ONTWRIG NIE appeared first on Radio Rosestad 100.6FM.