Nog ‘n aardbewing het vanoggend in Italië voorgekom en volgens die jongste berigte is talle geboue verwoes.
Die Amerikaanse Geologiese Opnamesentrum sê die skudding in die sentrale dele van die land en naby die dorpie, Norcia, het 6,6 op die Richterskaal geregisteer.
Daar was geen onmiddellike berigte oor ongevalle nie.
Dit volg nadat ‘n reeks aardtrillings ook vroeër die week in die gebied voorgekom het.
Byna twee maande gelede is byna 300 mense in ‘n aardbewing in dieselfde streek dood.
The post NOG ‘N AARDBEWING VERWOES ITALIë appeared first on Radio Rosestad 100.6FM.