‘n Verdagte sal na verwaging môre in die Ermelo-landdroshof in Mpumalanga op ‘n aanklag van veediefstal verskyn.
Kaptein Carla Prinsloo van die provinsiale polisie sê die man is Vrydag in die vroeë oggendure in hegtenis geneem nadat 14 dooie skape ter waarde van ongeveer R40 000 gevind is in ‘n lykswa wat op die pad tussen Ermelo en Morgenzon omgeslaan het.
Nog twee vermeende diewe het weggehardloop.
Prinsloo sê veediefstal vier dié tyd van die jaar hoogty in die gebied, en sy het ’n beroep op die gemeenskap gedoen om hul samewerking aan die polisie te gee om misdaad te voorkom en seker te maak dat hul lewende hawe veilig is.
The post VEEDIEFSTAL: VERDAGTE IN HOF appeared first on Radio Rosestad 100.6FM.