Sakeleiers van byna al die grootste maatskappye in die land het hulle agter die minister van Finansies, Pravin Gordhan, geskaar en sy, wat genoem is, selektiewe vervolging, verwerp.
Die uitvoerende hoofde van die maatskappye sê reguit hulle glo die aanklagte teen Gordhan is heeltemal ongegrond en druis teen die openbare belang in.
Netwerk24 berig dat die verklaring, wat deur 80 sakeleiers onderteken is, vandag as ’n advertensie in al die vernaamste Sondagkoerante verskyn.
Dit sluit die invloedryke Business Leadership South Africa en die Black Business Council in, asook die hoofde van al vier die grootste handelsbanke, die grootste versekeraars in die land, groot myngroepe, groot regsfirmas, asook Remgro, Bidvest, Safika, Sibanye, Naspers en die leiers van bekende kleinhandelaars.
The post SAKELEIERS VAN GROOT MAATSKAPPYE IS AGTER GORDHAN appeared first on Radio Rosestad 100.6FM.