Die leier van die DA, Mmusi Maimane, sê President Jacob Zuma het die kuns van korrupsie bemeester.
Hy het by `n vergadering in New Brighton in die Nelson Mandelabaai Metro gesê alle vorme van korrupsie verminder die moontlikhede vir werkskepping en dienslewering.
Maimane sê Zuma los `n spoor van leuens, bedrog en korrupsie waar hy ookal mag gaan.
Volgens hom het Zuma seker gemaak dat instellings wat korrupsie moet ontmasker en vervolg, beheer word deur sy napraters wat geen respek vir die grondwet het nie.
Maimane is in die Metro voor twee tussenverkiessings aanstaande maand.
`n Kandidaat in New Brighton se Wyk 14 het bedank, terwyl die kandidaat in Walmer se Wyk 4 doodgeskiet is.
Maimane sê hy is vol vertroue dat die DA albei wyke sal behou.
The post “ZUMA HET DIE KUNS VAN KORRUPSIE BEMEESTER” appeared first on Radio Rosestad 100.6FM.