Die dodetal in Vrydag se treinongeluk in Kameroen het tot minstens 70 gestyg.
President Paul Biya, wat tans in die buiteland is, het in ‘n Facebook-inskrywing sy meegevoel betuig met die families van die meer as 70 mense wat in die ongeluk dood is en die byna 600 mense wat beseer is.
Die ongeluk het naby die dorp, Eseka, tussen die twee grootste stede, Yaounde en Douala, plaasgevind.
Spoorwegamptenare sê daar was 1 300 passasiers aan boord pleks van die gewone 600, omdat ‘n brug op die hoofpad tusen die twee stede ineengestort het ná swaar reën.
The post TREINONGELUK IN KAMEROEN: DODETAL STYG TOT 70 appeared first on Radio Rosestad 100.6FM.