‘n Man is dood toe hy na bewering deur studente van die Walter Sisulu Universiteit op Mthatha in die Oos-Kaap aangerand is.
Die voorval het op die kampus in Nelson Mandela-rylaan gebeur.
Die 26-jarige man en nog twee mans het na bewering gisteraand op die kampus aangekom.
Studente het hulle voorgekeer en van poging tot diefstal verdink.
Die polisie en ambulans is ontbied maar kon nie op die kampus kom nie, omdat studente hulle met klippe bestook het.
Paramedici het later daarin geslaag om twee van die beseerde mans hospitaal toe te neem.
Hulle is in ‘n ernstige toestand.
The post MAN STERF TOE STUDENTE HOM AANRAND appeared first on Radio Rosestad 100.6FM.