Die minister in die presidensie, Jeff Radebe, sê die kabinet het ’n wetsontwerp teen rassisme goedgekeur.
Radebe het gister op ’n mediakonferensie ná die kabinetsvergadering Woensdag gesê die Wetsontwerp op die Voorkoming en Bestryding van Haatmisdade is goedgekeur vir openbare kommentaar.
Netwerk24 berig volgens Radebe poog die wetsontwerp om die misdrywe haatmisdaad en haatspraak te skep en om maatreëls in te stel om dié misdrywe te voorkom en te bestry.
Radebe het bygevoeg die doel is om die toenemende aantal rassevoorvalle te takel, asook om verdere stappe te doen teen ander soorte misdadige optrede wat aangewakker is deur vooroordeel en onverdraagsaamheid.
The post KABINET HET WETSONTWERP TEEN RASSISME GOEDGEKEUR appeared first on Radio Rosestad 100.6FM.