Gasmaskers word gereed gekry vir die 1,5 miljoen inwoners van Mosoel in Irak wat gevaar loop om deur die terreurgroep Isis met chemiese wapens aangeval te word.
Netwerk24 berig Irakse en Koerdiese magte sê hulle het sowat 20 dorpies om Mosoel beveilig in die eerste dag van optrede om die terreurgroep uit sy laaste ware vesting te dryf.
Die Internasionale Organisasie vir Migrasie sê die gasmaskers is deel van ‘n gebeurlikheidsplan omdat Isis al vantevore sulke wapens teen Irakse en Koerdiese magte gebruik het.
Die Verenigde Nasies sê tot 1 miljoen mense kan uit Mosoel vlug.
Die eerste groep vlugtelinge word binne vyf of ses dae verwag.
The post IRAK: 1,5 MILJOEN INWONERS KRY GASMASKERS appeared first on Radio Rosestad 100.6FM.