Die leier van die Vryheidsfront Plus, Pieter Mulder, sê president Jacob Zuma se dringende aansoek om ‘n hofbevel om te keer dat die Openbare Beskermer se verslag oor staatskaping vandag openbaar gemaak word, is ‘n desperate stryd om oorlewing en om sy loopbaan te red.
Hy sê in ‘n verklaring die OB, advokaat Thuli Madonsela, het Zuma al sedert Maart vanjaar die geleentheid gegun om met haar saam te werk en op haar vrae te reageer, maar hy was duidelik nie bereid om sy samewerking te gee nie.
Mulder sê die persepsie na buite sal sonder twyfel wees dat die president skuldig is en die bevindings wil ontduik.
Intussen sê die DA-leier, Mmusi Maimane, wat die aanklag van staatskaping by die OB se kantoor ingedien het, Zuma is desperaat en het niks geleer uit die Grondwet hof se uitspraak oor Nkandla teen hom nie.
Hy sê die DA staan egter by Madonsela om te verseker dat sy die ondersoek afhandel.
UDM-leier Bantu Ho lomisa het aan Netwerk24 gesê dit wys hoe desperaat Zuma is en Dennis Bloem van Cope sê dit is ‘n bewys dat Zuma ’n totale verleentheid en ’n skaamtelose karakter is.
The post “ZUMA SE AANSOEK WYS HOE DESPERAAT HY IS” appeared first on Radio Rosestad 100.6FM.