Steun vir die minister van Finansies, Pravin Gordhan, is steeds besig om toe te neem nadat hy deur die Nasionale Vervolgingsgesag van bedrog aangekla is.
Die nie-regeringsorganisasie, Section27, het hom nou ook aan die kant geskaar van onder meer die Ahmed Kathrada-stigting en die EFF-leier, Julius Malema, wat ’n beroep op Suid-Afrikaners gedoen het om Gordhan te ondersteun wanneer hy op 2 November in die hof moet verskyn.
Die ANC se tesourier-generaal, Zweli Mkhize, het volgens Business Day die aanklag teen Gordhan ook vanoggend openlik gekritiseer.
Die ANC-hoofsweep, Jackson Mthembu, en die voormalige speaker, Max Sisulu, het ook reeds hul steun aan Gordhan toegesê.
President Jacob Zuma en die ANC het versoek dat die reg toegelaat moet word om sy gang te gaan.
Die ekonoom van die Efficient Groep, Dawie Roodt het vroeër aan Rosestad Nuus gesê buitelandse belggers beskou Suid-Afrika reeds as ‘n hoë-risiko beleggingsland en wag om te sien of die swak politieke leierskap sal bly voortbestaan.
The post STEUN VIR GORDHAN STEEDS BESIG OM TOE TE NEEM appeared first on Radio Rosestad 100.6FM.