Die ekonoom Dawie Roodt sê dit is belangrik dat Suid-Afrikaners hulleself inlig oor die politieke en ekonomiese omstandighede oor die komende maande en deeglike finansiële beplanning doen.
Roodt sê die buiteland sien Suid-Afrika reeds ‘n as ‘n hoë-risiko beleggingsland en ‘n aankondiging Dinsdag deur die NVG om die minister van Finansies te vervolg laat buitelandse beleggers wonder of die swak politieke leierskap in die land gaan bly bestaan.
Roodt sê individue moet nie die vervolging van Gordhan bloot as ‘n storm in ‘n teekoppie beskou nie en maan mense om polities en burgerlik betrokke te raak.
Die voorsitter van die Solidariteit Beweging, Flip Buys, sê intussen die tyd het aangebreek dat president Jacob Zuma uitgeskop word sodat die land nie verder onder hom moet ly nie.
Hy sê in ‘n verklaring die laaste strooi is die Nasionale Vervolgingsgesag se dagvaarding aan die minister van Finansies, Pravin Gordhan.
Buys sê daar is ook tientalle ander redes waarom Zuma moet gaan en dit sluit in die totale gebrek aan leiding te midde van die universiteitskrisis, die swak ekonomie, die politieke onbestendigheid en die swak regering.
The post “SUID-AFRIKANERS MOET FINANSIëLE BEPLANNING DOEN” appeared first on Radio Rosestad 100.6FM.