Tot 75 000 kinders sal binne die volgende jaar sterf in hongersnoodverwante omstandighede wat deur die terreurgroep Boko Haram veroorsaak is.
Netwerk24 berig volgens die Verenigde Nasies se kinderfonds, Unicef, is dié syfer meer as die 20 000 mense wat al in die Islamitiese opstand die afgelope sewe jaar dood is.
Die humanitêre krisis in die noordooste van Nigerië is moontlik die ergste ter wêreld weens die omvang van wanvoeding en die groot getal kinders wie se lewe in die gedrang is.
Die kinders wat die ergste onder wanvoeding ly, sterf weens sekondêre siektes soos diarree en asemhalingsprobleme.
Ernstige wanvoeding word by 20% tot 50% van die kinders in die geteisterde gebiede waargeneem.
The post HONGER WEENS BOKO HARAM KAN DUISENDE KINDERS LAAT STERF appeared first on Radio Rosestad 100.6FM.