Die verhoor van die drie mans wat van die moorde op die Swanepoel-egpaar, Toon en Rienie, van Bainsvlei buite Bloemfontein aangekla word, duur voort in die Bloemfonteinse hooggeregshof.
Een van die beskuldigdes, Fana Ntshudi, het voor egter Mojalefa Rampai getuig hy was tydens die beweerde moorde by ’n inisiasieskool op De Brug.
Volgens Ntshudi is sy vingerafdruk op ‘n venster gekry nadat die polisie hom glo gedwing het om daardeur te klim.
Netwerk24 berig hy kon egter nie verklaar waarom sy vingerafdruk die oggend deur forensiese deskundiges gevind is as die polisie hom eers die middag na die toneel gebring het nie.
‘n Kous met sy DNS op is ook in die huis gevind, waarvoor hy geen verklaring kon gee nie.
The post MOORDE OP SWANEPOEL-EGPAAR: 3 IN BFN HOF appeared first on Radio Rosestad 100.6FM.